Preguntas frecuentes

Sube a Tinder® fotos nas que saia esa persoa que todo o mundo quere ver: ti! Mellor se apareces só ti, de protagonista. E quita os lentes de sol, que che tapan esa cara bonita! As mellores fotos son as ben enfocadas, e, polo visto, os sorrisos aquí teñen moito éxito.

A túa biografía é un retrato que di quen es. Se escribir non é o teu, podes facer unha lista de cousas que che gustan ou que son importantes para ti. Pon algo lixeiro, por exemplo sobre os teus hobbies, ou algo máis profundo, contando que é o que buscas noutra persoa. Para ver que cousas non incluír na biografía, bótalle un ollo ás nosas Regras da comunidade.

Se cambiaches de opinión con respecto a unha persoa á que lle deras "Gústame", non hai problema. Podes descoincidir cando ti queiras. Preme no escudo azul que aparece no perfil da persoa ou no chat e irás ás ferramentas de seguridade, onde podes anular a coincidencia.

Para poder teren coincidencia, dúas persoas teñen que indicar mutuamente que se gustan, dándolle cada unha delas a deslizar á dereita no perfil da outra.

Cando indicamos que hai unha coincidencia coa que non deches, é porque lle deches a pasar (deslizando á esquerda) a unha persoa que lle dera a "Gústame" ao teu perfil.

Podes descargar Tinder® gratis na App Store e na Google Play Store ou visitar https://tinder.com para usar Tinder na web. Coas funcións básicas podes crear un perfil, deslizar á dereita para indicar que alguén che gusta e deslizar á esquerda para pasar.

Tinder® conéctate con perfís seleccionados mediante tecnoloxía baseada na túa localización e nas preferencias de xénero, distancia e orientación que ti establezas.

Tinder® ofrece verificación por foto, para que teñas a certeza de que a persoa coa que estás a falar se corresponde coas súas fotos. Os perfís verificados levan unha marca de verificación azul e nós recomendámosche que ti tamén consigas unha; quedan moi ben no perfil e contribúen á seguridade da comunidade.

Se queres ter a experiencia de Tinder® en ordenador, dispós da maioría das nosas funcións en https://tinder.com.

Tinder® é unha plataforma mundial de citas en liña na que podes coñecer xente nova, ampliar a túa rede social ou atoparte con persoas de máis de 190 países. Seguinte pregunta?

Se te subscribes a Tinder Gold™ podes ver todos os teus admiradores ou admiradoras nun mesmo lugar. Así, podes coincidir directamente, mandar a paseo ou expandir perfís desde a propia pantalla desta función e aforrar moitísimo tempo.

Cun Boost, o teu perfil vólvese un dos máis destacados da túa zona durante 30 minutos. Busca o lóstrego morado cando queiras atraer ata 10 veces máis miradas.

Non somos moi partidarios das etiquetas, pero cando unha cousa funciona sabemos recoñecelo. En Top Picks, os usuarios gratuítos poden elixir cada día un de dez perfís categorizados, mentres que os subscritores de pago teñen acceso á lista de dez persoas seleccionadas.

Con Tinder Gold™ aforras tempo, ao saberes de antemán a quen lle gustas, e desfrutas dunha experiencia sen anuncios e con "Gústame" sen límites, Retroceder, Passport™, 5 Super Likes™ diarios e 1 Boost ao mes.

Para ver se unha persoa che mandou un Super Like™, mira se no seu perfil hai unha estrela azul. Se queres resultados máis rápido, pásate a Tinder Gold™ e poderás ver todas as persoas ás que lles gustas.

Want to upgrade your Tinder experience? With Platinum you'll get most of our premium features including more profile views from the people you Like.

Se queres pescudar quen che enviaría ese Super Like™, mira os perfís candidatos a coincidencia e busca neles unha estrela azul.

Se ben Tinder® ten patrocinado algunha voda, non podemos prometer nada, pero encántanos celebrar que unha parella case. Escríbenos a tinderstories@gotinder.com para ter a oportunidade de conseguir merchandising gratis de Tinder®. E parabéns!

Con 55.000 millóns de emparellamentos ata a data, en Tinder® é do máis doado coñecer xente. Temos funcións deseñadas para facerte destacar e para aumentar as túas probabilidades de atopar coincidencias, pero dar o paso, e cando facelo, xa é cousa túa.

Se estás a buscar o amor, estás no sitio adecuado: en Tinder® todo é posible, e cada día máis.