Sasie Sealy (Lucky Grandma) het by ons aangesluit om die terugkeer van Tinder se bekroonde Swipe Night-reeks te regisseer.

Met sy vriendelike aantrekkingskrag die een oomblik en sy minagting die volgende het Benjy en sy magnetiese persoonlikheid 'n bietjie drama onder sy vriende geskep. Uiteindelik is sommige vriende meer lojaal as ander.

Aimes met haar vape is jou senuweebol-, vat-nie-nonsies-vriend wat blykbaar al die jongste inligting het oor die sappige dinamika onder Benjy se partyjiemense. Sy is die vriend na wie jy gaan as jy 'n bietjie realiteit soek.

Phoebe is Benjy se eks en jou standaard wil-graag-invloedryk-wees-tipe: maer, mooi en altyd gewapen met 'n telefoon. Maar party mense kan miskien dink haar verhouding met Benjy is nog 'n bietjie té knus.

Otis is goedhartig, beskermend en Benjy se oudste vriend. Hoe sleg dit ook al gaan, dit lyk asof hy altyd daar is om Benjy te vang as hy val.

Tex is Benjy se nuwe mansvriend ná Phoebe: aantreklik, akademies en 'n bietjie onseker oor sy nuwe verhouding. Hy laat nie 'n kans verbygaan om jou te laat verstaan hulle is op wankelrige grond nie.

Dit lyk asof Benjy se speels-uitlokkende Britse musiekbestuurder net daar is vir die wenners. Niemand ken haar goed nie, maar sy is nogal onvoorspelbaar as sy opgewonde raak.

Francisco is Phoebe se nuwe ou: 'n aantreklike, geheimsinnige buitestander met 'n sjefmes en 'n ondeunde glimlag. Wanneer dinge skeefloop, is dit moeilik om nie te dink dat hy die vibe doodgemaak het nie.